କିଏ ଆଣିଦେବ ମୋ ପିଲା ଦିନ

ଅତୀତର ସେଇ ବୋହୁଚୋରି ଲୁଡୁ ଖେଳ 

କିଏ ଆଣିଦେବ ମୋତେ ମୋ ପିଲା ବେଳ ।

ଆମ୍ବ ତୋଟା ବିଲ ବାଡ଼ି ବନ ଝରଣା 

ବୋଉର ପଖାଳ ଆଉ ବାଡ଼ି ଅଗଣା ।

ବାପାଙ୍କ ସ୍ନେହ ଆଉ ବୋଉର ପଣତ 

ଭାବିଲେ ଯେଦୁଃଖ ଲାଗେ ଲୁହ ଝରେତ ।

 

ବର୍ତ୍ତମାନ ଧନଦୌଲତର କିଛି ଅଭାବ ନାହିଁ 

ତଥାପି ମନ ବିଚଳିତ ମୋର ହେଉଛି କାହିଁ ।

ସବୁଦିନ ଖାଇବାକୁ ଏଠି ସ୍ୱାଦିଷ୍ଟ ଖାଦ୍ୟ ମିଳୁଛି 

ବିଷ ଭଳି ଲାଗେ ମା"ର ପଖାଳ ମନେ ପଡୁଛି।

ହାତପାହାନ୍ତାରେ ସୁଖଥାଇ ମୁଁ ଧରିପାରୁନି 

ଅତୀତକୁ ଝୁରି ଝୁରି ଆଖିରୁ ଲୁହ ଶୁଖୁନି ।

ଭବିଷ୍ୟତ ମୋର ଅନ୍ଧାର ମୁଁ ଜାଣିସାରିଲିଣି 

ତଥାପି ମିଛ ମରୀଚିକା ପଛେ ମୁଁ ପଡିଛିକାଇଁ ।

ଭବିଷ୍ୟତ ମୋର ନିଶ୍ଚିହ୍ନ ମରୁଭୂମି ସମ 

ଏତେ ବିପଦେ ମୋର କାହିଁ ଭାଙ୍ଗୁନିତମ ।

ଶପଥ ନେଇ ଚାଲିବି ସଦା ସତ୍ୟର ପଥ 

ଭବିଷ୍ୟତ ମୋର ଉଜ୍ଜଳହେବ କହୁଛି ସତ ।