ବିଶ୍ୱକପ ମହାସମର

ଆରମ୍ଭ ହୋଇଛି ମହାସମର ଯେ

କ୍ରିକେଟର ମହାକୁମ୍ଭରେ

ସବୁଦଳ ଏଠି ବିଜୟ ପାଇଁକି

ରହିଛନ୍ତି ପୁରା ଦମ୍ଭରେ ।

କିଏସେ ହୋଇବ ବିଶ୍ୱର ବିଜେତା

କ୍ରିକେଟରେ ଏକ ନମ୍ବର

ସେଥିପାଇଁ ପରା ଆରମ୍ଭ ହୋଇଛି

ବିଶ୍ୱକପ ମହାସମର ।

କାହା ମୁଣ୍ଡେ ହାତୀ ଢାଳିବ କଳସ

କିଏ ସେ ବିଜୟୀ ହୋଇବ

ବିଶ୍ୱ କ୍ରିକେଟରେ ନାମଟି ତାହାର

ଲିପିବଦ୍ଧ ହୋଇ ରହିବ ।

ବୋଲିଂ ବ୍ୟାଟିଂ ଫିଲ୍ଡିଂ ସବୁ ବିଭାଗରେ

ଖେଳୁଥିବ ଯିଏ ବଢିଆ

ସାଜିବ ନିଶ୍ଚିତ ବିଶ୍ୱର ବିଜେତା

ଜଣାଯିବ କିଏ ଟାଣୁଆ ।

ଜଣା ପଡିଯିବ କାହା ଦମ କେତେ

କିଏ କେତେ ଭଲ ଖେଳୁଛି

ସବୁ ଅପେକ୍ଷାର ଯବନିକା ଟାଣି

କେଉଁ ଦେଶ ହାତେ ଧରୁଛି ।