ଆଲୋକ ତର୍ପଣ ପାଇଁ
ଆଲୋକ ତର୍ପଣ ପାଇଁ
ଆଲୋକ ତର୍ପଣ ପାଇଁ
ଆକାଶ ଦିନ ରାତି
ସୂର୍ଯ୍ୟ,ଚନ୍ଦ୍ର,ତାରାଙ୍କ ମେଳରେ
ସଜେଇ ହୋଇଛି ଦେଖ,
ଆମକୁ ଛୁଇଁବ ଆଲୋକ ବୋଲି
ଆକାଶ ହୋଇଛି ମେଘ ମୁକ୍ତ
ଢାଳିବାକୁ ସ୍ୱଚ୍ଛ ଆଲୋକ |
ବାଳ ସୂର୍ଯ୍ୟର ଆଲୋକରେ
ସୁନା ପରି ତୁମ ଦେହ ଝଲସିବ
ରୂପ ଜହ୍ନର ଜ୍ୟୋତ୍ସ୍ନାରେ
ତୁମେ ଦେହ ପ୍ରକ୍ଷାଳିବ |
ଆଲୋକର ପାର୍ବଣରେ
ରଙ୍ଗର ମହୋତ୍ସବ ହେବ,
ଦିନରେ ଇନ୍ଦ୍ରଧନୁ
ଆକାଶକୁ ରଙ୍ଗୀନ କରିବ
ଅନ୍ଧାର ରାତିରେ
ପୃଥିବୀ ଜ୍ୟୋତ୍ସ୍ନାମୟ ହେବ |
ସୂର୍ଯ୍ୟ ବୁଡ଼ିଗଲେ
ସୁନେଲି କିରଣ ଝରିବ,
ପାହାଡ଼ ସେପଟେ
ଦିଗନ୍ତ ମଥାରେ
ବିନ୍ଦି ପରି ଦିଶିବ,
ଜହ୍ନ ଉଇଁ ତାଳ ଗଛ ଫାଙ୍କରୁ
ମଝି ଆକାଶକୁ ଡେଇଁବ
ଆମେ ଦୁହେଁ ଚାହିଁଥିବା
ଜହ୍ନ ବୁଡ଼ିଯିବ |
ଆଲୋକର ରୋଷଣିରେ
କେହି ଦେଖୁକି ନଦେଖୁ ଆମକୁ
ଆମ ପଥ ଆଲୋକିତ ହେଉ
ବାଟବଣା ନହେଉ ଜୀବନ
ପ୍ରତାରଣା କେହି କାହାକୁ ନକରୁ
ଆମେତ ପ୍ରେମିକ ପ୍ରେମିକା
ଦିନ ରାତି ସବୁବେଳେ
କରୁଥିବୁ ଆଲୋକ ତର୍ପଣ |