जून्या नव्या नात्यांची घट्ट
जून्या नव्या नात्यांची घट्ट
घट्ट असलेल्या नात्यांची विण हळूहळू विरायला लागतेय !
विरलेल्या नात्यांना ठिगळे लावण्याचा मी मात्र प्रयत्न करते !!
ठिगळे लावलेली जूनी नाती वरवरची 'फसवी' असतात,
असे लक्षात यायला बऱ्याच वेळ लागतो !
नवीन नात्यांकडे काळजीपूर्वक बघितल्यावर,
वाटतं नवीन नात्यांची विण हळूहळू घट्ट होते !!
जशी ऋतुचक्रात बहरलेल्या वृक्षांची 'पानगळ', ' नवी पालवी',ठरलेलीच असते !
तशीच ही जून्या नव्या नात्यांची घट्ट विण असते !!
नात्यांची ही 'पानगळ', ' नवी पालवी' कधीही कशीही कुठेही बहरते !!!
काळवेळ न बघता केव्हाही बहरतच जाते, बहरतच जाते !!!
जगण्यासाठी नवा 'बीजमंत्र' जणू देऊन जाते !
जून्या नव्या नात्यांची घट्ट विण कशी असावी !!
मी स्वतःसाठी ऋतुचक्राचा कानमंत्र घेऊन !
स्वतःच ठरवते, माझ्यासाठी जून्या नव्या नात्यांची घट्ट विण कशी असावी !!
जून्या नव्या नात्यांची घट्ट विण कशी असावी !!!