पोवाडा भारत देशाचा.
पोवाडा भारत देशाचा.
शत,शत प्रणाम देशाला।
भारत भूमिला।पावन भूमिला।
साधू, संतांच्या कार्याला ।
देश होता पारतंत्र्यात।
गोरे साहेबांच्या गुलामीत।
गुलाम म्हणून जगण्यात। जी जी जी
भारतीयांचे रक्त सळसळले।
मनामनात असंतोष पेटले ।
जीवावर सर्व उदार झाले ।
अंधारमय युगात ।
अवघ्या भारत देशात।
इंग्रज हटाव मोहीम जोरात। जी जी जी
टिळक, महात्मा गांधींनचे योगदान।
पेटविले इंग्रजां विरुद्ध रान ।
निघा आता भारत देशातून।
क्रांतिकारक वीर महान।
भारत मातेसाठी दिले झोकून
इंग्रजाना जर्जर करुन। जी जी जी
इंग्रज उठले चवताळून
क्रांतीकारकांवर अत्याचार करुन
अमानुष मारले इंग्रजानं ।
देशासाठी शहीद होऊन ।
त्यांच्या रक्तातून प्रेरणा घेऊन
सर्व भारतीय एक होऊन
दिले स्वातंत्र्य मिळवून । जी जी जी
जय, जय भारत देशाचा।
महात्मा फुले, शाहू, आंंबेडकरांचा ।
समतेच्या विचारधारेचा।
भारतीय समाज घडविण्याचा।
आदर्शत्याग, शूर, वीरांचा।
भारतीय समाज व्यवस्थेचा।जी, जी, जी