पाऊस आला पाऊस आला
पाऊस आला पाऊस आला
धो-धो पाऊस आला धो-धो पाऊस आला
टपटप टपटप थेंबांचा नाच
तड-तड तड-तड गारांचा ताल
गारा वेचायची शर्यत लावू
कागदाच्या होड्यांची स्पर्धा खेळू
ओले चिंब भिजुन न्हाऊ
आईचा ओरडा, रेनकोट घाल ! रेनकोट घाल !
धो-धो पाऊस आला धो-धो पाऊस आला
झरझर झरझर सरीवर सर
गडगड गडगड गरजती ढग
बेडकाचे गाणे ऎकून हसू
सरी संगे नाच नाचू
रंगांची कमान आभाळात छान
आजोबांच एकच, पुरे रे आता ! पुरे रे आता !
धो-धो पाऊस आला धो-धो पाऊस आला
रपरप रपरप पानांची साद
काडकाड काडकाड विजेचा रॉक
गोल गोल फ़ेर धरु पावसाची गाणी म्हणू
धडामधुडूम आवाजाने घरात पळू
साऱ्यांचा गलका,
फ़िटली ना हौस ! फ़िटली ना हौस !
धो-धो पाऊस आला धो-धो पाऊस आला
धो-धो पाऊस आला धो-धो पाऊस आला