Library
"स्त्री" एक प्रेरणा
"स्त्री" एक प्रेरणा
1 min
7K
सरस्वतीने दिधला वसा।
शिक्षणाचा उमटला ठसा।
सावित्री उभारी असा।
साक्षरतास्तंभ।।
गायनाच्या कोकिळा।
सुरेल सुंदर गळा ।
लतादीदींचा आगळा।
गायनमार्ग।।
पहिल्या महिला राष्ट्रपती।
प्रतिभाताई पाटील असती।
संस्कृतीदर्शन घडविती।
आचरणाठायी।।
आयपीएस किरण बेदी।
अत्युच्च पोलीस पदी।
संरक्षण देशाचे साधी।
सुव्यवस्थित।।
सायना सानिया उषा।
मिताली गीता अशा।
सिंधू मेरी साक्षी देशा।
लौकिक करविती।।
देशासाठी स्वातंत्र्यसमरी।
चालविसी समशेरी।
राणी लक्ष्मीबाई खरी।
शूर वीरांगना।।
आदिशक्तीचे रूप।
अन्नपूर्णास्वरूप।
सर्व क्षेत्रांत खूप।
अग्रेसर असे।।
आदराने वागवा।
जगवा आणि शिकवा।
पणती आणिक दिवा।
एकचि घराठायी।।
