वचन
वचन
वचन दिले होते
स्वतःचे स्वतःला
वराती मधील प्रसंग
लागो ना विसरायला ॥ १॥
अज्ञान हेच जाणले
समस्येच्या मुळाला
स्त्रीयांना केले शिक्षित
पत्निसह विडा उचलला ॥ २ ॥
हंटर कमिशन पुढे
स्पष्ट वक्ता जाहला
शेतकऱ्यांचा आसूड
व्यवस्थेवर ओढला ॥ ३ ॥
शोधले महाराष्ट्राच्या
आराध्य दैवताला
पुजीले मनोभावे
शिवरायांच्या समाधीला ॥ ४ ॥
अनिष्ठ रुढी परंपरा
त्यागीले त्या धर्माला
सत्य प्रकाशात
पदरी सत्य धर्म टाकला ॥ ५ ॥
महात्मा ज्योतीबा फुले
वचनाला तुम्ही जागला
सर्व नतमस्तक तुम्हा पुढे
तोड नाही तुमच्या कार्याला ॥ ६ ॥