Library
वारी
वारी
1 min
13.7K
विठू भेटीला आल्या सरी
आषाढीला रंगे पंढरी
तुका ज्ञानीयाच्या पालखी
बैसले सावळे श्रीहरी !
माथी चिंता अखंड जरी
सोहळा चन्द्रभागातिरी
टाळ मृदुंगात दंगले
भोळे भाबडे वारकरी !
एकच नाद अनाहत
संगे तुळशी डोईवरी
अश्वाचे रिंगण सुंदर
दुमदुमतो घाट,दरी !
निर्गुण सगुणाचा असे
सदा सुखानुभव वारी
मना लाभतो परमानंद
श्री रुखमाईच्या माहेरी !
मम भाग्य अनुपम,तू
आश्रये मज नित्य दारी
सुखदुःखाच्या फेऱ्यातही
अनवाणी पायास उभारी !
