वेळ अजूनही ..........

तोडुनिया झाडं तुम्ही ऊन वारा केला

कुठं थांबवावं पाणी कळतंच नाही !

सारं वाहून चाललं पाणी निळ्या सागरात

कशी भागवू तहान पाणी मटक्यात नाही !!

होतं चालला माणूस आज आधुनिक किती

नदी तलावाचं पाणी पिण्याजोगं नाही !

रस्ते उन्हात तापती नाही कुठलीच छाया

श्वास मोकळा हवेला जगण्यास नाही !!

घरं जंगलातं गेली झालं सिमेंटीकरण

पिकं पिकवाया शेती उरलीच नाही !

होतं चालली पाखरं सारी नजरेच्या आड़

आज उठवाया इथे कोंबडीच नाही !!

पोट भरेना भाकऱ पैसा किती मोठा झाला

एक परिवार आता एकोप्यात नाही !

अरे माणूस म्हणून जप माणुसकी थोडी

वेळं अजूनही गेली हातातून नाही !!