मी परत येईन --------
मी परत येईन --------
काय झालं ???
अचानक काळजाचा चुकला ठोका -------
युद्ध झाले चालू , जवान रणांगणावर निघाला
तो आत्मविश्वासाने बोलला
काळजी करू नका कोणी
मी परत येईन --------
आई बाबांच्या जीवाची झाली घालमेल
बायकोच्या डोळ्याला लागला पदर
पोर लागली चेहर्याकडे बघू
जवानाने सावरले स्वत:ला
आणि म्हणाला मी परत येईन ----
आई- वडिलांना द्यायला आधार
पत्नीचे कुंकू ठेवायला अक्षय
बहिणीकडून बांधून घ्यायला राखी
पोरांचे करायला लाड
मी परत येईन --------
धर्म, पंथ, जात मानत नाही
मानतो फक्त मातृभूमीचे ऋण
पांग फेडण्याची मिळाली आहे संधी
त्या संधीचे सोने करून
मी परत येईन -------
ऊन ,वारा,पाऊस यांची नाही तमा
शत्रूने कितीही रचो मनसुबे
कितीही असो ताफा
मोहिम करतो फत्तेच
मी परत येईन ------
येतील कानावर अनेक वार्ता
येतील आवाज तोफा आणि बंदुकीचे
पण घाबरू नका, काळजी करू नका
शत्रूला घालून कंठस्नान
लवकरच मिळेल आनंदवार्ता
नक्की मी परत येईन --------