धरणी माय
धरणी माय
1 min
221
लेकीचं लग्न तोंडावर
डोंगरएवढं कर्ज माथी....
काय अन कसं करावं?
संपेना ही साडेसाती ।।
धरणी माय विनावतो
कृपादृष्टी दाव जरा...
हंगाम हा पिकू दे
होतोय ग कोंडमारा ।।
दिस सारा जातो माझा
पोटासाठी राबण्यात...
रक्ताचे पाणी करतो
राब राबूनी रानात ।।
काटे कीती रुतले पायी
पर्वा न्हाई त्याची....
सोसले जे चीज व्हावे
वाट ही पावसाची ।।
पिकूदे एवढे यंदाचे साल
गळफासाचा विसर पडावा
माझ्या सह बांधवांचा
सातबारा कोरा व्हावा ।।
बळीराजा मी भाबडा
सोसून दुःख झटतो खरा
"धारणी माय"तूच माझ्या
आयुष्याचा आसरा ।।