Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shila Ambhure

Inspirational

3  

Shila Ambhure

Inspirational

घड्याळ सांगे....

घड्याळ सांगे....

1 min
315



             घडी सांगे मनुजास

             ऐक माझी बात खरी

             कुणासाठी ना थांबतो

             यंत्र निर्जीव मी जरी

टिक टिक करुनिया

देतो करून स्मरण

वेळ ना थांबतो जरा

जातो पुढे क्षण क्षण.

            आयुष्याचा डाव जणू

            दोन घडीचाच खेळ

            लावा सार्थकी जीवन

            नको उगा अवमेळ.

जाई उडून भरारा

वेळ कापरासारखी

घेई उपयोग खरा

सुज्ञ तो रत्नपारखी.

             असो कोणी राजा रंक

             वेळ नाही कोणासाठी

             होती दिन आणि रात

             याच कालचक्रापाठी.

दिले मोल किती जरी

वेळ नाही मिळणार

तोच होईल यशस्वी

वेळ जो रे पाळणार.

              जाता वेळ निसटून

              बोलताल हाय हाय!!

              पश्चाताप करण्याचा

              उपयोग मग काय?

राही मनुजा दक्ष तू

ठेव समयाचे भान

पळ -पळ कर सार्थ

मिळवाया जगी मान.


Rate this content
Log in