कवी ----मी
कवी ----मी
शब्दांनी बनवितो
काव्य शब्दांचा हार
शब्दांनीच करितो
समोरच्यास गार
कवी - शब्दांचा भुकेला -मी
शब्दमागे फिरतो
होवून मी वेडा
समस्यांवर शब्दातून
ओढतो ओरखडा
कवी - शब्दांचा भुकेला -मी
शब्दांचा ओढतो मी
छंद रुपी गाडा
काव्याचा बांधीतो सुंदर
चिरेबंदी वाडा
कवी - शब्दांचा भुकेला -मी
शब्दांतून मांडतो
वास्तवतेचे चित्र
शब्दांनाच बनवले मी
माझे खास मित्र
कवी - शब्दांचा भुकेला -मी
शब्दांतून करतो
समाज मनावर घाव
कवितेचा भुकेला मी
शब्द घेतात माझ्याकडे धाव
कवी - शब्दांचा भुकेला -मी
कागदावर पेरतो
शब्दांची रांग
किती फिरावे शब्दांपाठी
कविते तूच सांग
कवी - शब्दांचा भुकेला -मी
शब्द भागवतात
माझी भूक,तहान
शब्दचं बनवतील
मला कवितेतून महान
कवी - शब्दांचा भुकेला -मी