नाती शोधण्यासाठी

नाती शोधण्यासाठी, तू पुस्तके चाळू नको

मुक्तपणे भेट सा-यांना, कोणालाही टाळू नको

सा-यांना भोगावे लागतात, नशिबाचे भोग

करू नकोस चिंता, उगा जिवाला जाळू नको

येणारा प्रत्येकजण, जावयासाठीच येतो

प्रत्येकासाठी येथे, अश्रू तू ढाळू नको

जाणीव न जयांना, तुझ्या उपकारांची

उगा अशांसाठी, घाम तू गाळू नको

चोथा झाला चावूनी, आता तरी सोडून दे

पुन्हा-पुन्हा त्याच, विषयाभोवती रेंगाळू नको 

विसरुन जा तू सर्व आता, काय जे मी बोललो

जखमा त्या शब्दांच्या, उरात सांभाळू नको