स्मृतिगंध
स्मृतिगंध
मृदगंध करी स्वच्छंद मनाला धुंद स्मरण तव होता ।
ती 'संध्या' ओलीचिंब तुझा सहवास संगती होता ।।
त्या आम्रतरुच्या गार सावलीत विश्रांती तू घेता ।
ती अवखळ वारा तव अंगाशी दंगा करत होता ।।
तव खांद्यावरच्या पदरचे ते निशाण फडकत होते ।
जणू सावरण्या कुणी यावे म्हणूनि कुणा खुणावत होते ।।
आकाशात, मन गाभाऱ्यातही वादळ उठले तेव्हा ।
कळले न मला हे पाऊल माझे तिकडे वळले केव्हा ।।
आले भरूनि मेघ अंबरी बरसू लागल्या धारा ।
तडतडू लागल्या अवनी तलावर शीतल शीतल गारा ।।
कडाडली वीज क्षणात बिलगले अंगाशी तव अंग ।।
शहारली रोमांचित काया अन मती जाहली गुंग ।।
जीवन जगता अस्वस्थ सखे मनाशी होतो ।
'त्या' मधुर 'स्मृतीचा' गंध आजही सुखद गारवा देतो ।।