छंद
छंद
जीवनाचा आस्वाद घेण्या रे
फक्त मेहनतच जरूरी नाही रे
थोडा छंदही जोपास तू
मनाला ठेव उल्हासित तू
काम आहे जरूरीच करणे
महत्त्वाचे जगणे आनंदाने
तू काढ थोडा वेळ स्वतःसाठी
छंदात समरस होण्यासाठी
जगणे तर रोजचेच असतं ना रे ?
पण हवी त्याला सुखाची लकेर रे
कामा एवढाचं छंदही असतोच
एक नवीन वळण जगण्याच
समतोल राखून जो ठेवतो
जीवनाची खुबी तो जाणतो
छंदांची संग सोबत ठेव तू
कामासंगे आवडही जप तू