आपणच आपले...
आपणच आपले...
सगळं काही जुळून येतं
फुटेल वाटत सोनेरी पहाट
मिळेलही वाटतं मनातलं आभाळ
पण कसलं काय ? सालं आपलं नशीबच खोटं
पुन्हा आभाळ भरून येतं
मनातलं चांदण हरकून जातं
पुन्हा मनातलं आभाळ रीत होतं
सालं... आपलं नशीबच खोटं
रखरखतं ऊन , जगणं पुन्हा असह्य करत
प्रत्येकवेळी का कुणास ठाऊक असं होतं ?
आणि नाहक चार- चौघात हस होतं .
सालं आपलं नशीबच खोटं...
पुन्हा नव्याने सुरुवात होते
सगळं काही चांगलं घडेल वाटतं
पुन्हा .. हाता - तोंडाशी आलेला घास
का कुणास ठाऊक तोंडचा घास कोण हिरावत ?
खरंच आता शोधलंच पाहिजेत
आपल्यातले कच्चे - पक्के दुवे ...
कोण कोण्याच्या खांद्यावर बंदूक
ठेवून आपल्याला शिकार करत ?
आपण सालं .. सप्नात जगतो
दिवसाढवळ्याही स्वप्नच पाहतो
कृतीशिवाय स्वप्नांना अर्थच नसतो
आता मात्र कळून आलं ... पटलं सारं
नशीब- बिशीब काही नसत ते घडवणं..
बिघडवणंही आपल्याच हाती ...
दोष नसतो कुणाचा, आपणच आपले
भाग्यविधाते आणि जीवनाचे शिल्पकार ...