Quotes New

Audio

Forum

Read

Contests


Write

Sign in
Wohoo!,
Dear user,
इसवी सन २०७५ (मुक्तछंद)
इसवी सन २०७५ (मुक्तछंद)
★★★★★

© Raosaheb Jadhav

Inspirational

1 Minutes   13.8K    14


Content Ranking


इसवी सन २०७५

माझा नातू

शैक्षणिक पात्रातांचे जंगल तुडवीत

पोहचलाय बापजाद्याच्या

लांबीरुंदी गमावलेल्या

टीचभर जमिनीच्या तुकड्याच्या बांधावर

आणि

करू लागलाय विचार

उंचीच्या विस्ताराचा...


अनेक मजली मातीच्या थरांतून तो

उगवू पाहतोय

फळभाज्या,पालेभाज्या आणि काही फुले

संकरलेली...


बांधावरचे वडाचे झाड

सलले त्याच्या डोळ्यांत

वठलेल्या खोडासारखे...


इंटरनेट आणि नव्या तंत्राची जोड

प्रिय होतेय त्याला हृदयाच्या ठोक्यांइतकीच

यंत्रांची धडधड...


उगवू पाहणाऱ्या प्रत्येक कोंबाच्या तळाशी तो

गुंतवीत जातो

अर्थशास्रातील सिद्धांत

आणि पोटाभोवती फिरणारी सृष्टी

साक्षात लोळण घेतेय त्याच्या पायाशी

उत्पादनाची जुळवीत गणिते...


आपत्य प्राप्तीचा विषय त्याने

बाजूलाच ठेवलेला दिसतो

पत्नीच्या संमतीने...


नाही म्हटल्यास

राहायला जागा केलीय त्याने

चौथ्या की पाचव्या मजल्यावर

फूलशेतीच्या शेजारी इशान्य कोपऱ्यात

जेथे उपलब्ध होतेय त्याला

उत्तम नेटवर्क

आणि स्वत:पुरती वीजही...

मात्र

तेथे मला

बाप काही दिसत नाही त्याचा

चष्म्याच्या जाड भिंगातूनही...


ओळखतही नाही त्याला

तळमजल्यात पाळलेली गाय

ती असते आसूसलेली

कासेला भिडणाऱ्या यंत्राच्या प्रेमळ स्पर्शासाठी...


वासरूही नाकारेल ती

थोड्याच दिवसांत

कदाचित

वसरू २०७५ शेती भविष्य

Rate the content


Originality
Flow
Language
Cover design

Comments

Post

Some text some message..