मकर संक्रांत..!

मला वाटलं ढीग भर

कसले कसले संदेश आले

रजई बाजूस सारली

संगत थोडी मोबाईल ची केली

क्रांतीच घडली

तळागाळातल्या सर्वांच्या

शुभेच्छांचा खच पडला होता

अरे बापरे मकर संक्रांत आली वाटले

आतून चहा साठी आवाज येत होता

मी ओपन क्लोज चा उद्योग करण्यात

बोटं पटपटत मोबाईलशी

बॉक्सिंग खेळत होतो

इतक्यात कानावर बॉक्सिंग चा

सणकण दुसरा ठोसा बसला

अहो ऐकलं का....?

चहा थंड होतो, परत गरम करणार नाही..!

वेळेत येतील तर शप्पत...!

म्हंटल आलो बाई...!

संक्रांतच ती

दिवसेन दिवस वाढत जाणारी

आणि हळू हळू ग्रासणारी...!

चहाचा घोट घेतला आणि म्हंटल

आज पासून तरी गोड बोला

तिने लगावला दुसरा टोला

आधी पाणी काढलय आंघोळ करा..!

ही दुसरी संक्रात

तिसरी संकरांत येण्या अगोदरच

काढता पाय घेतला

म्हंटल

आधी फिरून येतो तोपर्यंत तुझं आवरं..!

आणि

पटकन बूट घातले

झटकन बाहेर पडलो

बरं वाटलं

संक्रांत टळली

गोड गोड बोलायला मोकळा झालो..!

तिळगुळ घ्या गोड गोड बोला...!

सर्वांना मकर संक्रांतीच्या हार्दिक शुभेच्छा..!