यशस्वी माघार
यशस्वी माघार
यशस्वी माघार घ्यावी कधी- मधी ग माणसानं...
पण माघार घेणं तुला जमलंच नाही ...कधी !
प्रत्येकवेळी आपलं खरं असेलच असे नाही...
चुकू शकत आपलंही असं कधी तुला वाटलंच नाही !
माघार घ्यावी खुशाल... आपलंच घोड दामटवण्यापेक्षा...
आपल्याकडन ही असू शकतात कुणाच्या काही अपेक्षा !
कधी -कधी हरुनही जिंकता येत समोरच्याच मन ...
गनिमीकावा असतो तो, कधी तुला समजलंच नाही ... !
मी सांगेन तेच खरं .. हे असंच झालं पाहिजे म्हणतेस ...
अट्टहासच तुझा घात करतो अन तू तोंडघशी पडतेस !
प्रत्येकवेळी कसं होईल बरं तू म्हणशील तसं ?
त्यामुळेच तर होत तुझं चार -चौघात हसं ... !
मान्य आहे ग मलाही स्वभावाला औषध नसतं पण ...
काळाबरोबर बदलून परिस्थितीशी जुळवून घ्यावंच लागतं !
कधी कळणार तुला आपण फक्त नियतीचं हातच कळसूत्री बाहुलं...
काहीही झालं तरी.. डगमगायचं नाही धीरानं टाकायची पावलं ..!