पहिलं प्रेम
पहिलं प्रेम
आज संक्रात म्हणून
पुढे पाऊल टाकावे म्हंटले
दिवसेन दिवस प्रेम आपले
वाढवावे वाटले
क्षणभर विचार केला
कोपऱ्यावर गाठण्याचा
निर्णय पटकन घेतला
आणि कोपऱ्यावरचा पार गाठला
आडोसा थोडा घेऊन
कानोसा घेतला
तसा होरा तिचा
पाराकडेच वळला
आली आली आली
कुजबुज आमच्यात झाली
आणि माझी तर चांगलीच
तारांबळ उडाली
पुढे झालो धाडसाने
म्हंटले आज आर या पार
माहीत नव्हते मागून येत होता
तिचा बाप डोक्याचा खार
झालो आतल्याआतच ठार
काजवे चमकून दिसला मार
फुकट गेला शौर्याचा वार
गाठला मागे वळून आपला पार
तीळ गुळ घ्या गोड बोला
मित्र झाले लगेच गोळा
झाला प्रेमाचा चोळा मोळा
म्हंटले मित्रांना आता इथून पळा
संक्रात म्हणजे काय हे
मी रे बाबांनो अनुभवले
जेंव्हा पहिल्याच प्रेमाचे असे
तीन तेरा अन बारा वाजले
पतंग प्रेमाचा असा
पाहता पाहता कटला
म्हंटले मनातच बाबांनो
प्रश्न प्रेमाचा क्षणात मिटला....!