बाबा आणि लेक
बाबा आणि लेक
सगळयाच गोष्टीनां मुलींना आता बाबाच लागतो
बाबाही मग सर्वात पहिले मदतीसाठी धावून जातो
बाबाच घरात पाऊल पडताच धावत सुटतात मुली
आज काय आहे गंमत विचारणा मारून घट्ट मिठी
बाबा घरी असता मस्तपैकी यांची धमाल असते
दोघांची जोडगोळी घरात मस्तिचं उधाण आणते
चित्र जरा बदलतंय नाही तिला बाबा ची भिती
लेकीला बाबा अधिक प्रिय ही आजची परिस्थिती
तो दिवस दूर नाही ती सांगेल एकूण एक गोष्टी
आईलाही मग नसेल दोघांच्या गप्पांमध्ये एंट्री
बाबालाही जरा लेकीची जास्तच काळजी असते
सगळंच अप्रतिम असावं त्याची धडपड असते
तिच्यासाठी कसलीही ठेवत नाही कमतरता
आनंद त्याला पहिला घास तिलाच भरवता
लेक ही कौतुकाने रोज बाबा ला घास भरवते
सगळचं लागणारं बाबाला हातात आणून देते
हट्ट असतो तिचा असा बाबाला औषधही तिच देते
सगळं माझं बाबाच करणार अशी लाडीक धमकी देते
दोघांच्या ह्या निखळ आस्थेला काळा टिळा लावूया
नजर ना लागो या प्रेमळ नात्याला प्रार्थना करूया
लेक अशीच बाबांबरोबर बिनधास्त राहो
नातं बाबा मुलीचं असंच आयुष्यभर फुलत राहो