सोनपरी
सोनपरी
सोनपरी ग सोनपरी,
येशील का ग माझ्या घरी,
माझं घर आहे डोंगरावरी,
बाजूला आहे खोल खोल दरी,
उंच उंच झाडे मोठी,
खेळतो आम्ही नदी काठी,
मासोळी होऊन मारतो सूर,
फुलपाखर होऊन जातो दूर,
भरपूर पाणी अन मोकळी हवा,
खायला आहे रानातला मेवा,
आकाशी आहेत रवी अन शशी,
दिवस न रात्र आहे गम्मत खाशी,
सारे काही आहे पण नाही एक परी,
येना परी राणी येना ग घरी,
वाट पाहतो आम्ही येशील कधीतरी,
वाट पाहतो आम्ही येशील कधीतरी.