माणूस शोधतो मी
माणूस शोधतो मी
1 min
7.3K
तुडवीत पत्थरांना का उगाच चालतो मी ।
नकळे मनास माझ्या कोणास शोधतो मी ।।
समजून फुले गुलाबी जातेच तुडवितो मी ।
फसव्या या मृगजळात कस्तुरीस शोधतो मी ।।
बघतांना नभात तारे ध्रुवास पाहतो मी ।
जगताना जीवन, माझे अस्तित्व शोधतो मी ।।
गर्दीत सोयऱ्यांच्या स्वार्थास पाहतो मी ।
निरपेक्ष, निस्वार्थ प्रेमास शोधतो मी ।।
मन सैरभैर, जेव्हा पशूताच पाहतो मी ।
कळपात श्वापदांच्या माणूस शोधतो मी ।