तिची कहाणी
तिची कहाणी
बसतो तसबिरी समोर तुझ्या | मन भटके गत क्षणात त्या ||
साथ नाही तुझी नशिबी या | अर्थ नाही उरला जगण्यात या ...||
आनंद होता सहवासात तुझ्या | जीवनबाग मस्त फुलली होती ||
मीच काय ही दुनिया सारी | रुपास तुझ्या भुलली होती .||
मनातली जागा तुज दिली होती | तुझ्या ही मनात ती थोडी होती ||
निर्मल नाते होते मन साफ होते | घडले असते प्रमाद ते ही माफ होते ||
परकी नव्हतीच कधी म्हणून | सांगितले होते तुला कितीदा ||
कैफ चढता धुंदी त्याची बेकार | जिंकता जिंकता होते कधी हार ||
उंचीवर जाऊन वेगाने कोसळता | उभारी घेऊन पुन्हा सावरणे ||
हे काही तुला जमलेच नाही | मिटलेले डोळे पुन्हा उघडलेच नाही ||