जादूगर

मैदानात जमली मुले

जादूची भरली शाळा

ऐटीत आला जादूगर

कोट अंगात काळा

डोक्यावरती टोपी

भलीमोठी दाढी

टोपीखालून जादूने

वस्तू मजेच्या काढी

सारखा सारखा बडबडे

जादूमंतर जादूमंतर

पोत्यामध्ये घाली कोणा

क्षणात करी छूमंतर

हात रिकामे बंद करी

जादूने काढी हाती नोट

पत्त्यांची गंमत दाखवी

जादूवाले त्याचे बोट

जादूच्या पाहून करामती

आम्ही थक्क झालो

आ वासून जादूमध्ये

सारेच हरवून गेलो

मनी आला विचार

आम्हालाही जादू यावी

जादूच्या छडीने काढू

वस्तू जी पण हवी

जादू म्हणजे हातचलाखी

जादूगर सांगे जादूतंत्र

आम्हा मुलांना आवडला बुवा

छुमंतरवाला सोपा मंत्र!!!