व्हॉट्सप शिवाय दोन दिवस..?
व्हॉट्सप शिवाय दोन दिवस..?
1 min
388
काय भन्नाट कल्पना
डोक्यात आली
मी सत्वर
त्याची तयारी केली
अँड्रॉईड मोबाइल
सरळ ऑफ केला
छोटा डबीचा
फोन खिशात घातला
बाहेर पडलो
काहीतरी हरवल्यासारखं झालं
कुठंतरी थोडं
काळीज फाटल्यासारखं वाटलं
कोणे एके काळी तारुण्यात
जी घालमेल ती नजरेआड झाल्यावर व्हायची
तीच घालमेल ती नजरेस पडल्यावर
आपोआप नाहीशी व्हायची
तसंच काहीतरी चालू झालं
व्हॉट्सपनं डोकं फिरवलं
भानावर येता संकल्प आठवला
डोक्यातलं खूळ दूर पळालं
आता खरंच बरं वाटतं
व्हॉट्सपविना संसाराचं गाडं चालतं
प्रेयसीपेक्षा तिचं कौतुक वाटतं
जेव्हा आपलं जुनं ते सोनं हे पटतं....!