धीर
धीर
1 min
8.1K
सत्याचा जिव्हाळा मनाची स्वच्छता || चित्तास स्वस्थता || जेथे आहे ||१||
जेथे जागा धीर सदा हृदयात || सत्यवर्तनात || खच्ची घाला ||२||
पिडा दुःखे सोशी संकटे निवारी || गांजल्यास तारी || जगामाजी ||३||
धीर धरूनीया सर्वा सुख देती || यशवंत होती || जोती म्हणे ||४||
(२)
धीर सोडीताच शुद्रा दास केले || आर्याजी ताठले || ऐश्वर्यात ||१||
भित्रे शुद्र वेडे अज्ञानी बापुडे || आर्य पाई पडे || लज्या गेली ||२||
अज्ञानी म्हणूनी म्लेंच्छानी लढले || प्राणाशी मुकले || आर्यापाई||३||
शूर मांगमहारा आर्ये नागविले || पशूवत केले || जोती म्हणे ||४||