कष्टणारे हात

कष्टणारे हात

कष्ट करणारे हातच सुंदर

शिकवून जातात जगण्याचे मोल

कर्मातच सुखाचे गुपित लपले

हरामाचे जीणे खरंच फोल।

गरीबीतही जगण्याची उमेद

टिकवून ठेवतात राबणारे हात

कुटुंबाचे आधारस्तंभ बनावेत

संस्कार अनमोल मोती त्यात।

जरी असलो बालक आम्ही

कष्टाचा वाटा उचलू पुरेसा

आईवडिलांना करून मदत

श्रमप्रतिष्ठेचा बाळगू वसा।

आनंद मिळवू घामाच्या भाकरीत

हात मळतील,घट्टे पडतील

अनुभवाचे मूल्य सरसचं

कृतीतून साऱ्या जगास सांगतील।