श्रावण
श्रावण
1 min
215
रिमझिम पाऊस हा
देई उल्हास मजला
शहारली ही धरणी
पहा श्रावण सजला
ओथंबून नभ आले
अवनीच्या रे भेटिला
श्रावणात असा सारा
घननिळा बरसला
शाल लेवून हिरवी
शृंगारली सारी भूई
तान्ह्या लेकराले जशी
स्तनपान करी आई
शेतामंधी तरारलं
पिक सारं नवतीचं
वाऱ्यासंगे फेर धरी
लेणं माथी सुंगधाचं
साऱ्या सृष्टीत अजब
मोद भरून उरला
खेळ उन सावलीचा
शेत शिवारी रंगला
इंद्रधनू सप्तरंगी
जसे तोरण आभाळी
स्वागतास श्रावणाच्या
प्रतिबिंब दिसे जळी