आठवण
आठवण
खाऊसाठी पैश्यांचा आम्ही हट्ट धरायचो
चार आण्यासाठी तासनतास रडायचो
दारिद्रयात उणीव भासे आम्हांला पैस्यांची
लहान वयात नव्हती कदर आई बापाच्या कष्टाची
आमच्या हट्टाने त्यांचे डोके फिरायचे
रडण्यापाई आईबाप आमचे रागवायचे
संसारासाठी चार आणे कमी पडायचे
मिळेल त्याच्यातच घर चालवायचे
उधारीवर जगायचे आवडत नसायचे
तुटपुंज्या मजूरीत तसेच सोसायचे
प्रत्येक सणाला गोडधोड दिसे दुसऱ्यांच्या घरी
त्यांचे उरलेले शिळे अन्न आमचे उदर भरी
शिळे अन्नही आम्ही खातअसे आवडीने
सण साजरा झाल्याचे सांगत होतो आनंदाने
निरक्षर आईबापाने दिले स्वच्छतेचे धडे
तुटपुंज्या पैस्यात कधी मोठे नव्हते फटाकडे
प्रदूषणही हटे आपोआप वायू प्रदूषण थांबायचे
हानिकारक वस्तुंचे लाड कधी पुरवत नसायचे
आईबाप आमचे कायम मजूरीने राबायचे
गरीबीतही तेच आमचे आधार असायचे
शिस्त, संस्काराचे धडे बालपणी मिळायचे
चांगले, वाईट अनुभव अंत काळजाने सांगायचे
कडक उन्हात आईबाप मजूरीने राबायचे
मातीकाम करून आमचे पोट भरवायचे
आम्ही त्यांच्या सोबत मदतीला राबायचो
कधी कधी सुट्टीच्या दिवशी मजूरीने जायचो
आमच्या पैस्यांचा त्यांना आधार करायचो
आनंदाने आईबापाच्या कुशीत झोपायचो
श्रीमंतीची नव्हती हाव आम्ही शांत झोपायचो
हापापलेल्या जगात आम्ही सुखाने जगायचो
कर्ज नको डोक्यावर सल्ला आईबापाचा
जगाशी नको बरोबरी ,साधेपणाने राहण्याचा
स्पर्धा नव्हती त्यांची कधी बदलत्या जगाशी
कठीण काळात राहत असे आम्ही उपाशी
गरीबीचे राखावे भान लई उतुमातू नये
दारी आली श्रीमंती मागचे दिवस विसरु नये
झटपट श्रीमंतीसाठी हाव हाव करू नये
कुणाही गरीबाला कधीच कमी लेखू नये
कर्ज काढून व्यसनाचे चोचले पुरवू नये
संसार सुखाचा उध्वस्त करू नये