हिशोब मांडता मांडता

भव्य काही घडवता घडवता

खुप काही बिघडलं

जगासमोर हसता हसता

रडू उगाच कोसळलं

नाव पैसा कमावता कमावता

कळलंच नाही काय गमावलं

घरं बंगले बांधता बांधता

घरपणचं घरांचं हरवलं

अतुल्य काही बनवता बनवता

दुनियेने या चांगलंच बनवलं

दुनिया सारी जिंकता जिंकता

स्वत्व नकळत हरवलं

सतत पुढे पळता पळता

जग पुढे निघून गेलं

मागे वळून पाहता आता

मागचंही सारं पुसून गेलं

जीवनअर्थ कळता कळता

जगणं सारं संपून गेलं

हिशोब जीवनाचा मांडता मांडता

गणितच सारं बदलून गेलं