महाराष्ट्र ( अभंग रचना )

राज्याचे दैवत I तलवार रणी I

ते मुकुटमणी I शिवराय ॥१॥

शिवजयंतीला I सुरुवात केली ॥

मनी रुजवली | ज्योतीबाने ॥२॥

मोफत शिक्षण I देती आरक्षण I

जिंकी प्रजा मन I शाहुराजे ॥३॥

बाबासाहेबांनी | दिली समानता ॥

जगती भारता | संविधान ॥ ४॥

पृथ्वी तरलेय | कामगारा हाती ॥

आण्णाभाऊ देती | प्रगल्भता ॥५॥

पृथ्वीवर गोड | हृदयास भिडते ॥

सर्वां आवडते I ही मराठी ॥६॥

सदा अग्रेसर | खजीना रत्नांचा॥

मान हा देशाचा I महाराष्ट्र ॥७॥