कविता कवीसाठी
कविता कवीसाठी
कविता कवीसाठी काय असते ?
दुधावरची साय असते
हंबरनारी गाय असते
कुटुंबवत्सल माय असते
कविता कवीसाठी काय असते ?
न बुजणारा घाव असते
अंतर्मनाचा ठाव असते
विविधतेतून एकसंघ गाव असते
कविता कवीसाठी काय असते ?
कल्पनेचा स्वछंद विहार असते
सात्विक पोषण आहार असते
असह्य वेदनेचा तिहार असते
कविता कवीसाठी काय असते ?
प्रतिभेतून साकारणार फूल असते
गर्भार जमिनीवरच मुल असते
नकळत केलेली भूल असते
कविता कवीसाठी काय असते ?
न्यूनतेने भरलेला दुःखाचा भडीमार असते
कधीच न भरून येणारी सल असते
तरीही मूल्यवर्धित अगम्य आशावाद असते
कविता कवीसाठी काय असते ?
हताश गळ्याचा फास असते
डोळ्यात झणझणीत अंजन असते
रात्रंदिनी देव्हार्यात जळनारी निरंजन असते
कविता कवीसाठी काय असते ?
इच्छा असो या नसो ती तर असतेच
हृदयात सलते , कधी अनिवार स्मरते
लेखणी कधी निष्प्रभ , कधी बोलकी होते
कविता कवीसाठी काय असते ?
सदैव झुरणारी माय असते
भावनांचा कल्लोळ , नसानसात भिनते
असून अडचण नसून खोळंबा जणू कवीची सावली असते