ऋतू
ऋतू
ऋतू
अरे ऋतूं मध्ये ऋतू
पावसाचा ग चांगला
तहानलेल्या धरेवर
चिंब पाऊस आणला
लाही थांबवूनी कसं
तृप्त केलं ग धरणीला
शाल हिरवी पांघरून
अंगणी बहर आणिला
रिमझिम रिमझिम
संतत पडते अशी धार
शोभतसे नभी कधि
ईन्द्रधनु प्रवेश द्वार
पाऊस पडला पडला
खूष झाला बळीराजा
मातीतून डुले कोंब
निसर्गाची खरी मजा
सरी येती भर भरा
देवाजीची मोठी कृपा
नदी नाले भरतील
सृष्टी सौंदर्य हे जपा
अरे ऋतूं मध्ये ऋतू
पावसाचा ग चांगला
रिमझिम पावसात
चिंब भिजून घेवू चला
प्रशांत कदम,
९५९४५७२५५५,