बुध्द आणि त्याचा धम्म

बाबासाहेबांनी | शोध तो घेतला ॥

शरण बुध्दाला I दीक्षाभूमी ॥१॥

अनमोल ग्रंथ I बुध्द आणि धम्म ॥

कळण्या सद्धम्म | रचियेला ॥२॥

पहिला तो खंड I तो बालपनाचा ॥

हा परिव्रज्येचा | साम्यभेद ॥३॥

धम्म दीक्षेची हो I होती ती मोहिम ॥

दाखवी संयम | खंड दोन ॥४॥

काय शिकवले ? | माझ्या हो बुध्दाने ॥

धम्माच्या वाटेने I खंड तीन ॥५॥

धर्म आणि धम्म I चौथ्या या खंडात ॥

भेद ते स्पष्टत I प्रवचने ॥६॥

पाचव्या खंडात I नियम संघाचे ॥

तसेच भिक्खूचे | उपासका ॥७॥

ते समकालीन I त्याचे समर्थक ॥

तसे विरोधक I षष्ठ खंड ॥८॥

अंतिम ती यात्रा I वैशाली निरोप ॥

चिरंतन झोप | खंड सात ॥९॥

बुध्द व्यक्तीमत्व | आठव्या खंडात ॥

संवाद साधत | जनमना ॥१०॥

आठ त्या खंडात | सार सांगीतले ॥

सर्वांस रुचले I मनोभावे ॥११॥