चैतन्य

उधळीत चैतन्य फुलला वसंत

जागर झाला सृष्टीत सारा

फुले गोजिरी पहा तरूवरी

स्वागतास वसंताच्या आगळा नजारा

नसता ऋतू वर्षा तरिही

देई संजिवनी सृष्टीस वसंत

कोवळी हिरवी तांबूस पालवी

वनराई दिसे सारिच शोभिवंत

दूर माळरानी उभा पळस

पांघरून शाल लाल गुलाबी

सडा सभोवती शुष्क फुलांचा

दिसे वसंता वेगळीच छबी

ऋतूराज म्हणून करती गौरव

जगी सारेच ऋतू वसंताचे

कोकीळ गाते मधूर गाणे

शिंपडून सूर सृष्टीत अमृताचे