नागरीकांची कर्तव्ये
नागरीकांची कर्तव्ये
काय म्हणता घडवायचीयत
उद्याच्या पिढीची भवितव्ये
हक्कासाठी लढणारे आपण
हमखास विसरतो कर्तव्ये
सुट्टी घेतो मजा करतो
करत नाही मतदान
अंगणापुरते राबवतो
स्वच्छतेचे अभियान
कर चुकवणे भ्रष्ट वागणे
सांगा आपणास शोभते का?
बालमजूरांच्या फटाक्यांनी
दिवाळी साजरी होते का?
आजूबाजूला घडतो अन्याय
आपण करतो कानाडोळा
साक्ष द्यायची वेळ येता
पोटात उठतो गोळा
हवा पाणी जमीन आकाश
जपून वापरावा निसर्ग
प्रदूषणाचा विळखा वाढून
वाढेल रोगांचा संसर्ग
फायद्यासाठी देतो घेतो
लाचलूचपत चिरीमिरी
वाहतूकीच्या नियमांनाही
बसवून देतो धाब्यावरी
प्लास्टीकबंदी सरकारनेच करावी
अशी आपली सक्ती का?
पर्यटनस्थळ स्वच्छ ठेवणे
एवढी नको भक्ती का?
शिक्षणाचा अधिकार दिलवणे
आपले काम नाही का?
योजनांचा योग्य वापर
खरंच एवढे कठीण आहे का?