प्रजासत्ताक भारत...???

प्रजासत्ताक भारत...???

गुलामगिरीतून केव्हाच

स्वतंत्र झाला भारत

राजकारण्यांनी केली

देशाची दुर्दैवी गत..... {१}

निर्भयाला अजूनही

मिळाला नाही न्याय

आजही स्त्री सोसते

कुटुंबाचा अन्याय..... {२}

भारतीय लोकांची

मनेच आहेत लहान

सांगा कसे बोलावे ?

माझा भारत महान..... {३}

कोणे एकेकाळी भारतातून

सोन्याचा निघत होता धूर

जर आज डोकावून बघितले

तर दिसतो अंधश्रद्धेचा पूर..... {४}

कधी बदलेल हे चित्र ?

कधी थांबेल भ्रष्टाचार ?

माणूस म्हणून वागण्याचा

कधी येईल शिष्टाचार ?..... {५}

प्रजासत्ताक भारत झाला तरी

जनतेला नाही अधिकार

झुगारून खोटे प्रकार सारे

कधी होईल खऱ्याचा स्वीकार ?..... {६}