आई
आई
1 min
578
अष्टाक्षरी
आर्ई माझा गुरू
आई माझा आद्य गुरू
ऋण आभाळाएवढे
दिले प्रेम नि संस्कार
सांगे जीवनाचे धडे।१।
संवेदना मन जपा
दिला पाठ दातृत्वाचा
माझ्या गुरूमाऊलीचा
भाव विश्वबंधुत्वाचा।२।
दीन दुबळ्यांची सेवा
शिकविली भावंडांना
धन्य गुरूरूप तिचे
घडविले सोसताना।३।
परखड स्पष्ट मते
व्यक्त करायचे मार्ग
नको मिंधेपण स्वार्थ
शिकवला सत्यमार्ग।४।
कष्ट करुनच घ्यावे
नको आयता हराम
थेंबा-थेंबातून साचे
वाचवून ठेवा दाम।५।
संसाराला वेलीपरी
प्रेम सिंचन वाढवी
नको राग हवा त्याग
माय नित्य समजवी।६।