शब्दांकुर

शब्द शब्दांकुर व्हावे

वाचूनी लागावा छंद

निसर्ग ,पाऊस, वारा

मनास करावे धुंद

शब्द सप्तरंगी व्हावे

रंगात शब्दांच्या दंग

निखारे,शब्द फुलवू

शांतता राहो अभंग

शब्द बनावे पाखरू 

फुटावे शब्दास पंख

अन्याय फोडीता वाचा

 मारावे जोरात डंक

शब्द जोडीता शब्दास

अचूक बांधावा बंध

वाहत सुटावा गोड

फुलांचा मधाळ गंध

शब्द भक्तीरस व्हावे

भक्तीत होऊनी गुंग

समाज सुधारा साठी

बांधा काव्यरूपी चंग