Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dr. Razzak Shaikh 'Rahi'

Others

1.0  

Dr. Razzak Shaikh 'Rahi'

Others

निवडणुकीचा पोळा

निवडणुकीचा पोळा

1 min
21K


आला निवडणुकीचा पोळा

झाली नेतेमंडळी गोळा

कोणाला सजवायचं

कोणाची काढायची वरात

होऊ लागली एकच

चर्चा ही दिनरात

प्रत्येकाचा आहे

जनतेच्या मतावर डोळा

आला निवडणुकीचा पोळा


जो तो तयार आहे बांधून

गुडघ्याला बाशिंग

तिकीट मिळालं नाही

तर उगारतो बंडखोरीची शिंगं

क्षणार्धात करून

निष्ठेचा चोळामोळा

आला निवडणुकीचा पोळा....


लागून जाते कामाला

डोमकावळ्यांची जमात

जोमाने होऊ लागते

आश्वासनांची खैरात

भांबावून जातो

मतदार राजा भोळा

आला निवडणुकीचा पोळा....


दर पाच वर्षांनी

गातात तेच गाणे

वर्षानुवर्षे मलिदा

खातात हे सुखाने

जनतेच्या स्वप्नांवर

फिरवितात बोळा

आला निवडणुकीचा पोळा....


Rate this content
Log in