विरह
विरह
विरह
लग्नगाठ बांधली सख्याशी
सोडले तेंव्हा गावाची शीव
संसार जोडीने करता करता
सख्यावर जडला माझा जीव
संसाराच्या सारीपाठावर सदा
तुझ्या सहवासाचा मनी ध्यास
तुझी सावली बनून जगावे वाटे
तू बनला सख्या माझा श्वास
नको वाटतो रे दुरावा कधीही
तुझा विरह मला खूप छळतो
तुझी वाट पाहता पाहता सख्या
माझा जीव क्षणाक्षणाला जळतो
नको जावूस दूर सोडून मजला
नको कधीही तुझ्या माझ्यात दुरावा
नको विरहाचे गाणे या ओठी
विरहाचा हा ऋतू जरा दूर सरावा