कांता
कांता
1 min
306
सरली रात्र सारी स्वप्नात सखे तुझ्या
गाली अशी लाली रंगत भारी जमली
चंद्रमाच्या साक्षीनं मैफल अशी ही सजली
फास हातांचा भोवती सुंदर तुझा मखमली
मधाळ अधर घ्यावे किती शोषून सारे
गोडवा वाढत जाई क्षण सौख्याचे अधुरे
बेधुंद मन मोहरून धुंदित रजनी सारी
लख्ख चांदणे अंगणी स्वप्नी असे अस्तुरी
नशा आज असली कशी नयनी ही भासली
मुख लपवून ओंजळीत बळेच कौमुदी लाजली
चंद्रकोर पाहून नयनांची आभाळी चंद्रमाही हसला
गंध केसरी भाळी देई उल्हास मजला
लांब सुंदर वेणीत गंध मोगऱ्याचा अडला
मोद उसळून सारा श्वासा श्वासात भिनला
हलकेच साद घाली रव मधूर पैंजणाचा
मनी भास कसे हे कांता जवळी असल्याचा