Library
तुलाच पाहिले मी (कविता)
तुलाच पाहिले मी (कविता)
तुलाच पाहिले मी
आई म्हणून जन्म देताना
तुलाच पाहिले मी
मुलगी आहे म्हणून कळी खुडताना
तुलाच पाहिले मी
मर्दानी होऊन लढताना
तुलाच पाहिले मी
असह्य अबला नारी होताना
तुलाच पाहिले मी
नऊ महिने कळा सोसताना
तुलाच पाहिले मी
पोटचा गोळा फेकतानाही
तुलाच पाहिले मी
सहनशील सून बनताना
तुलाच पाहिले मी
सासू बनून सुनेला त्रास देताना
तुलाच पाहिले मी
पतिव्रता होऊन शील जपताना
तुलाच पाहिले मी
वेश्यालयात देह विकताना
तुलाच पाहिले मी
नजर नाकासमोर ठेवून चालताना
तुलाच पाहिले मी
वैवाहिक जीवनात पाय घसरताना
तुलाच पाहिले मी
अन्यायाविरुद्ध लढताना
तुलाच पाहिले मी
तू स्वतः जळून राख होताना
तुलाच पाहिले मी
यश शिखरी भरारी घेताना
तुलाच पाहिले मी
अपयशाने खचून जाताना
तुलाच पाहिले मी
हाती पुस्तके घेऊन वाचताना
तुलाच पाहिले मी
लोकांसमोर बीभत्स नाचताना
तुलाच पाहिले मी
पदराखाली लाज झाकताना
तुलाच पाहिले मी
लाज वेशीवर टांगताना
तुलाच पाहिले मी
लेकराला प्रेमाने वाढवताना
तुलाच पाहिले मी
त्याचेच कुऱ्हाडीने तुकडे करताना
तुलाच पाहिले मी
एकसंघ कुटुंब सावरताना
तुलाच पाहिले मी
घटस्फोटाने कुटुंब उध्वस्त करताना
तुलाच पाहिले मी
पिलांच्या पंखात बळ देताना
तुलाच पाहिले मी
पतीच्या मागे सती जाताना
तुलाच पाहिले मी
नवऱ्या मागे विधवा होताना
तुलाच पाहिले मी
शरीर भावनाही जाळताना
तुलाच पाहिले मी
प्रेमसागरात पोहताना
तुलाच पाहिले मी
विरह,वेदना आगीत होरपळताना
तुलाच पाहिले मी
