सुख !!

आज सगळे सुख हे लाभले तुझ्यामुळे,

परिकथे सम सर्व जाहले, तुझ्यामुळे

तुझ्या प्रितीने जीवन हे फुलले,

मोहरले, मन अधीर झाले,

हृदय कसे सहज गुंतले, तुझ्यामुळे,

तुझ्यामुळे, तुझ्यामुळे !

तुझ्या हातांनी घर हे सजले

बहरले, अंगण खुलू लागले,

घरास कसे घरपण आले, तुझ्यामुळे,

तुझ्या मुळे, तुझ्यामुळे !

तुझ्या स्वरांनी शब्द हे गुंफले,

सप्त स्वर झंकारले, गुंजले,

सूरांत कसे सूर मिसळले, तुझ्यामुळे,

तुझ्यामुळे, तुझ्यामुळे !

तुझ्या मैत्रीने दैव ही खुलले

आनंदी मन पुलकीत झाले,

भाग्य कसे अलुवार उजळले, तुझ्यामुळे,

तुझ्यामुळे, तुझ्यामुळे !