*लाभार्थी*
*लाभार्थी*
1 min
7.2K
जन्म दिला मातेने
पालन केले पित्याने
काळजी घेतली कुटुंबाने
*लाभार्थी मी या जीवनाचा*
ज्ञानमंदिरी गेलो
अध्ययन केले
उपक्रम,प्रकल्प केले
*लाभार्थी मी या जीवनाचा*
बोहल्यावर चढलो
विवाह बंधनात अडकलो
संसारात रममाण झालो
*लाभार्थी मी या जीवनाचा*
संसार वेलीवर
दोन फुले उमलली
आमची अंतरे आनंदली
*लाभार्थी मी या जीवनाचा*
मुले मोठी झाली
उत्तम शिकली,सवरली
परदेशात गेली
*लाभार्थी मी या जीवनाचा*
मुलांकडे नजर लागली
ती परदेशात स्थित झाली
आमची मने सावरली
*लाभार्थी मी या जीवनाचा*
एक दिवस असा येईन
मी भुर्रकन उडून जाईन
स्वप्ने इथेच ठेवून
*लाभार्थी मी या जीवनाचा*