जीवाशिवा
जीवाशिवा
1 min
7.1K
मान मान जीवा शिवा
आहे तुमचाच मान
पोळ्याच्या सणाला
करतो आम्ही सन्मान
जीवा शिवा।।धृ।।
पोळ्याच्या सणाला
करतात बरे काय
खांदेमळन बैलांची
धुतात त्यांचे पाय
जीवा शिवा ||१||
जीवा शिवा कष्टाळू
करतात खुप काम
पोळ्याच्या सणाला
करा की आराम
जीवा शिवा ||२||
चढली झूल अंगावर
गळ्यात घुंगुरमाळा
गोंडे शोभती शिंगाला
पायी छुमछुम वाळा
जीवा शिवा ||३||
मिरवणूक तुमची
वाजती ढोल ताशे
वर्षाच्या कामातून
व्हा मुक्त जरासे
जीवा शिवा ||४||