तो एक बाप

इवलस पाउल करंगळीच्या स्पर्शाने

पावलावर पाऊल टाकत तेव्हा

चेहऱ्यावर स्मित खुलणारा

तो एक बाप असतो

शाळेची पाटी गिरवताना

अ आईचा शब्द उमटतो

त्या शब्दांना आकार देणारा

तो एक बाप असतो

पोटाला चिमटा देवून

आयुष्याची राखरांगोळी करणारा

पण मनाला दिलासा देणारा

तो एक बाप असतो

स्वप्न भविष्याची पाहणारा

अपयशाने न खचणारा

आयुष्यभर साथ देणारा

तो एक बाप असतो

घराची सावली होऊन

भक्कम आधार देणारा

मायच्या हाकेत होकार भरणारा

तो एक बाप असतो

तो एक बाप असतो